蔡俊彥全運會8強止步 Edan化身記者爆笑被窒：果然係老best

呂爵安故意冷落蔡俊彥 擺做「壓軸嘉賓」

呂爵安面對4位金牌得主時，先向大家送上恭喜，然後逐一詢問得獎感受。不過他明顯「有心機」刻意不問蔡俊彥，將這位「老best」安排到最後才訪問。呂爵安先問劍神張家朗今次有沒有特別調整，張家朗興奮回應「今日可以報到仇，幾開心！」梁千雨則表示雖然第一場很緊張，但有隊友支撐下表現滿意，而吳諾弘更指出這個金牌別具意義，因為是香港劍擊隊首度在全運會奪金。

蔡俊彥反擊呂爵安感冒梗 「贏咗就好返」

輪到訪問蔡俊彥時，呂爵安立即展開「報復」，因為上次蔡俊彥嘲笑他感冒唱歌，今次他反問「關心吓你嘅身體先啦，感冒好返未呢？」蔡俊彥機智回應「贏咗就好返」，當呂爵安再問jet lag完未時，蔡俊彥更爆笑說「未lag完，今日都未係100%嘅，今日都準備病返啦」。兩人你來我往的對話充滿默契，現場氣氛輕鬆愉快。